Kusmuşəm

Kusmuşəm birdə barişmam daha yalvarma məni

Təkliğin layiqisən get bala yalvarma məni

Neçə il nazivi çəkdim vəli sən zülm elədin

Indi də ey daş ürək dön daşa yalvarma məni

Mənim ağlar gözumə rəhm eliyib hən demədin

Indi gər göz yaşin axsa çaya yalvarma məni

Yalvarirdim səni mən , sən çövururdun üzuvi

Indi də keçmişi sən sal yada yalvarma məni

Sən ozün daşlamisan bağda gülün bulbuluni

gələ bulməz yenə bülbül bağa yalvarma məni

Dedim gəl bahəm olaq sadə dutub xoş yaşayaq

Sevmədin pəs daha get tək yaşa yalvarma məni

Şair : Vəhid Şukurzadə

کوسموشم

کوسموشم بیرده باریشمام داحا یالوارما منی

تکلیغین لاییقی سن گئت بالا یالوارما منی

نئچه ایل نازیوی چکدیم ولی سن ظولم ائله دین

ایندی ده ای داش اورک دؤن داشا یالوارما منی

منیم آغلار گؤزومه رحم ائلییب هن دئمه دین

ایندی گر گؤز یاشین آخسا چایا یالوارما منی

یالواریردیم سنی من ، سن چؤووروردون اوزووی

ایندی ده کئچمیشی سن سال یادا یالوارما منی

سن اُوزون داشلامیسان باغدا گولون بولبولونی

گله بولمز یئنه بولبول باغا یالوارما منی

دئدیم گل با هم اولاق ساده دوتوب خوش یاشایاق

سئومه دین پس داحا گئت تک یاشا یالوارما منی

شاعیر : وحید شکرزاده